Matag takna ug gutlo kanunay ikaw nga gihandom

pagkaon walay gana kay mularawan ang imuhang katahom

dili na halos katulog kay anaa ikaw sa mga damgo

apan ang gibalos kapakyasan kay gitalikdan mo ako

nakaingun ko ba nga ang panahon diay may kausaban

abi kog ang adlaw mosawop ug unya musubang

ingun man diay ni-ini ang gugma dali mukalimot

mga sa-ad ug panumpa gihabolan sa imung kamaot

ug gusto nakong mahanaw ning nagbangotang kalibotan

aron mawagtang ang kasakit nag umidon ning galamhan

ug didto unya sa ibabaw sa mamingawon kong lubnganan

itu-aw ang pagmahay ning nahitompawak sa kalaotan

katam-is handumon ni-adtong panahon sa atong pag-uban

puno sa himaya, kalipay ug hudyaka ang atong gisalohan

apan nawagtang ang tanan kay nabalhin man ang imung gugma

nganu ba nga ako pay nabiktima sa imung pagtungína

gi ayran ko bisan pa ang anino sa imung larawan

kay ang basoni sa pagbudhi nag ngolngol ning dughan

mga binhi sa pagbati nalahos sa mga kasakit hinungdan nagbalalosan kining aping nagpingit

mga luha; hunong na sa pag-agas ning akong mga mata; wa nay umoy king balatian nag sapwang sa imung saloma

pasagdi ako magsapopo ning naghusbad nga mga saad kay gi ulipon sa kagul-anan kining alaot nga walay palad

[INAUDIBLE] mag mahal ang mga luha sa yuta nangatagak

kining ampyogon nga pag bati nga imung gipahilak; maningkamot pagbarog gikan sa iyahang pagkapokan o itu-aw ikaw malapason sa gipanumpa-an

may adlaw magbayad ka ning pagpa-antos mo kanako; ug kini unyang mga pagbangotan sa akong mga pagbakho; mo ukob sa imung daghan; hangtod ang pagbasol dili ma pala

kon muabot na ang takna; nga ang palad na ang magsudya

– Tudling Sa Mga Garay