Gibaktas ko ang dalan nga akong gisúbay

aron sa pagpangítâ sa nahanaw nga kalipay

gibinlan mog samad king balatian nga nagdugû sa mga kamingaw

natun-as ang mga pangandoy daw áso nga kalit lang nangahanaw

anía ako karun ning paraisong giliminan sa mabagang kabulakan

nag inusara nga ang bugtong saksi lamang mau ang imung larawan

nag sud-ung sa imung hulagway nga púnù sa mga paghandum

nga mamalik na untâ ang lampara sa atong kagahapon

may mga gabíi pinanggâ; nga nahipugwat ako taliwalâ sa pagkatulog

kay ang maasgad kong mga lúhâ nangagaiday na ni-ining aping nga nahinanok

daw gilumsan kining dughan sa hilabihan nga kagul-anan

daw panâ ni kupido nga milagbas ning kasing-kasing nga samaran

mga lúhâ; hunong na sa pag-agas ni-ining mga mata; kay kining nagbangotan

sa kamingaw nahubsan na sa mga lúhâ; tîtî-a ug itusa kaning nahibilin kong mga lúhâ

aron kining naghingutas kong gininhawa bawion na ni bathálâ

kasakit pinanggâ sa kamingawng gi pugos mo pag tingal kanákû; nga hangtod untâ ni-ining mga gutlû-a ikaw paman untâ ang gina-mithî ko

balika ug hupaya kaning dughang punû sa pagmahay ug kalinaw; aron papason katong mga samad - sa mga talinggab ug kamingaw.

– Tudling Sa Mga Garay